Baydhabo(CKG)-Xildhibaan Aadan Maxamed Cusmaan Garaad oo ka tirsan golaha Baarlamaanka KGS, oo ku hadlaayay magaca maamulka iyo shacabka KGS, ayaa wuxuu baaq udiray maamulka, Odiyaasha dhaqanka iyo saraakiisha ciidan ee ku sugan degmada Ceelberde inaysan ogolaanin in lagu kor dagaalamo bulsho jeceyl nabada iyo xasiliinida degaanadooda.
Xildhibaan Aadan Maxamed ayaa tilmaamay ama sheegay in maanta la joogin xili ay isku dhacaan ciidamadii loogu tala galay in ay habeen iyo maalin amnigooda ay ka sugi lahayeen cadowga mar kasta ku soo duula degaankooda.
“Maanta dowladdiina, dadkiina iyo degaankiina hiilo ubaahan yahay, maanta haddaad dagaal u horseedaan beri hiilo idinkama baahn”
Sidoo kale xildhobaanka oo hadalkiisa sii wadta ayaa sheegay in maanta halka ay taagan tahay degmada Ceelberde ee gobolka Bakool ay tahay meel wanaagsan oo horumar leh, taasi oo lagu keenay dadaal badan oo si wada jir ah loo qabtay maamul iyo shacab.
Xildhibaan Aadan Maxamed Cusmaan Garaad ayaa ugu dambeyntii, wuxuu baaq udiray dowladda FS iyo dowlad goboleedka KG in ay xoojiyaan nabad galiyada degmada Ceelberde ee gobolka Bakool.
Codkakoonfurgalbeed.com
