Muqdisho (CKG) – Guddiga ka talo bixinta wax ka bedelka muddo xileedka Labada Aqal ee Baarlamaanka Dalka iyo Madaxweynaha ee qodobada 60-aad iyo 91-aad ee dastuurka KMG ah ayaa Isniinta maanta ah xarunta guddoonka iyo guddiyada ee Villa Hargeysa ku yeeshay kulan uu shir guddoominayay guddoomiyaha guddiga Xildhibaan Mahdi Maxamed Guuleed.
Kulanka waxaa ka qeyb galay Wasiirka Gaashaandhigga ee Xukuumaddq Federaalka Soomaaliya Mudane Cabdulqaadir Maxamed Nuur (Jaamac) oo guddiga xog iyo warbixin dhammeystiran ka siiyay horumarada laga gaaray howlgallada dalka looga sifeynayo kooxaha argagixisada Al-Shabaab iyo sidoo kale horumarada ka jira deegaannada maleeshiyaadka Al-Shabaab laga saaray.
Guddiga ayaa ku amaanay ciidamada Qaranka dadaalka ay ugu jiraan in dhulka Soomaaliyeed laga ciribtiro Al-Shabaab, waxayna kula dardaarmeen in ay dadaalkooda laba jibbaaraan.
CodkaKoonfurGalbeed.com
