Baydhabo (CKG)- Ururka Samafalka (Foolka Dhigooy Fay-taawa Ky Jartee) Oo Maanta Deeq Isugu Jirta Raashiin Iyo Waxyaabo Kale Gaarsiiyey Isbitaalka Dhimirka Magaalada Baydhabo.
Deeqdaan isugu jirgey nuucyada kala duwan ee raashiinka qutul daruuriga, saliida, caanaha iyo waxyaabaha nadaafada waxaa maanta la gaaraiiyey dadka xanuunsan ee ku jira isbitaalka dhimirka magaalada baydhabo.
Waxaana deeq daan soo gaaraiiyey dhalinyaro iskood isu xilqaamey oo ku midoobey ururka samafalka (foolka dhigooy faytaawa ky jartee)
Waxaana dadka laga soo ururiyey raashiinka Iyo Waxyaabaha Kale wakiil Ugu Ahaa Cabdiasiis Sheikh Nuurow Oo Kamida Dhalinyarada Sida Weyn Looga Qadariyo Magaalada Baydhabo.
Agaasimaha isbitaalka dhimirka magaalada baydhabo Dr aadan Gandelman oo isagu gudoomey deeqda ayaa ugu horeyn ka mahad celiyey deeqda iyo xilliga la soo gaarsiiyey
C/laahi isaaq geney iyo Shiikh Aadan Shiekh Saciid oo iyagu ka socdey dhanka ururka Samafalka (foolka dhigooy faytaawa ky jartee) islamarkaana Wakiil Ka Ahaa Cabdiasiis Sheikh Nuurow ayaa muujiyey in deeqda maanta soo gaarsiiyeen dadka isbitaalka Dhimirka aysan ku filneyn daboolida baahida meesha ka jirta.
Waxayna muxsiniinta kale ee Alle wax siiyey ugu baaqeen iney u istaagaan dhamaan u gurmashada dadka dabaaleysan bacdamaa lagu guda jiro bishii barakeysaneyd.
.
Ururka samafalka (foolka dhigooy) ayaa inta badan u taagan saacidaada iyo gacan qabashada dadka u nugul dhibaatooyinka bani’aadanimo.
Codkakoonfurgalbeed.com
