Goof-gaduud(CKG)-Wafdi saraakiil uu hogaaminaayo Taliyaha Qeybta 60,aad ee ciidanka xoogga dalka Soomaaliya Janeral Xasan isxaaq Cumar (Xasan Baydhabo) iyo Taliyaha guutada 8,aad ee qeybta 60,aad ee ciidanka xoogga dalka Soomaaliyeed G/Abdullahi Maxamed Ugaas ayaa Kormeer Shaqo ku tageen Degaanka degaanka Goof-gaduud Buurey oo hoos tagta degmada Baydhabo.
Sidoo kale wefdiga waxay mid mid u tageen fariismooyinka ay ku leeyihiin degaanka Goof-gaduud, iyadoo soo qiimeyay wax yaabaha ay u baahan yihiin ciidamada, waxayna saraakiisha iyo ciidamada Goof-gaduud ku sugan u balan qadeen in ay heli doonaan xaquuqda ah ku leeyihiin qeybta 60,aad.
Degaanka Goof-gaduud ayaa goobaha in badan kooxda Al-shabaab ku soo qadaan weerarada Goos goos ah ‘ iyadoo mararka qaar la waregaan gacan ku heynta Degaanka, waxaana inta badan weeraradaasi ka dhashaan qasaaro dhimasho iyo dhaawac leh.
Codkakoonfurgalbeed.com
