Baydhabo (CKG) – Waxaa 14-ka Maarso ee bishan lagu wadaa in magaalada Baydhabo ee xarunta gobolka Baay ka furmo, shirka wadatashiga Qaranka, waxaana ka qeybgeli doona madaxda DF Soomaaliya iyo maamul goboleedyada dalka.
Shirka ayaa waxaa looga hadli doonaa dhammeystirka nidaamka federaalka Amniga iyo arrimo kale oo muhiim u ah dalka iyo dadka Soomaaliyeed.
Agaasimaha madaxtooyada Soomaaliya, Xuseen Sheekh Maxamuud ayaa sheegay in qodobbada shirka looga hadlayo ay yihiin, kuwo hore ay ugu soo heshiyeen Madxda Golaha Wadatashiga Qaranka, sidoo kalena qodobbo kale oo muhiim looga hadli doonno shirka Baydhabo.
Geesta kale , Xoghayaha Joogtada ah ee Xafiiska Ra’iisul wasaaraha Maxamed Abuukar Subeyr ayaa Sabtidii magaalada Baydhabo ka furey shir hordhac u ah Ajendayaasha Madashada Wadatashiga Qaranka oo looga hadlayo Arrimaha doorashooyinka dalka.
CodkaKoonfurGalbeed.com
