Home » Safiirka Soomaaliya u fadhiya Dowladda Uganda oo la kulmay Wasiirka Gargaarka Dalkaas

Safiirka Soomaaliya u fadhiya Dowladda Uganda oo la kulmay Wasiirka Gargaarka Dalkaas

by CKG Editor

Kampala (CKG) – Danjiraha Soomaaliya ee Uganda safiir Cali Maxamed Maxamuud (Cali Cagabaruur) oo la kulmay Wasiirka Gargaarka, Maareynta Musiibooyinka iyo Qaxootiga Eng. Hilary Onek ayaa kala hadlay arrimo badan oo ay ka mid tahay cabaqada haysta qoxootiga Soomaalida ee ku nool dalkan Uganda.

Safiir Cali Cagabaruur ayaa la wadaagay wasiirka in ay jiraan caqabado soo wajahay qoxootiga Soomaaliyeed ee ku nool Uganda dhowrkii bilood ee la soo dhaafay sidaa ay muwaadiniin Soomaaliyeed usoo sheegeen safaarada, caqabadahaas oo Soomaalida u gaar ah.

Dhankiisa Wasiirka Gargaarka, Maareynta Musiibooyinka iyo Qaxootiga dowladda Uganda Eng. Hilary Onek ayaa sheegay in dhammaan caqabadahaas si deg deg ah wax looga qaban doono, Soomaalidana yihiin dad qiimo badan oo soo dhawayn Uganda ka mudan.

Kulankan oo sidoo kale looga hadlay arrimo ku saabsan xariirka labada dal iyo dabagalka hishiisyo is-afgarad oo horay Soomaaliya iyo Uganda u saxiixdeen August 2022, wxaan labada dhinac la isla gartay in la sii anba qaado heshiisyada iskaashi ee labada dal ka dhexeeya, wada shaqayn dhowna looga yeesho arrimaha qaxootiga, waxaa kaloo lasoo jeediyay in Hay’adda Qaxootiga Qaranka xiriir dhow oo wada shaqeyn la yeelato xafiiska Wasiirka Arrimaha Qaxootiga Uganda, labada dhinacna ay kulmaan marka ugu dhow ee ay suura gasho.

Ugu dambeyntii, Danjire Cali Cagabaruur ayaa Uganda dowlad iyo shacab uga mahadceliyay martigalinta muwadiiinta Soomaalida ee ku nool dalkan Uganda, iyagoo kala kulmay qadarin Iyo soo dhowayn heerkeeda sareeyo.

CodkaKoonfurGalbeed.com

You may also like

Leave a Comment

About Us

CKG, is an independent media outlet that reports reliable news and information on Somalia, quotes and also daily events of the region.

Contact us

Copyright © 2024 CodkaKoonfurGalbeed.com All Rights Reserved. | Developed by KaDiiL Tech
The Real News Network
Social Media Auto Publish Powered By : XYZScripts.com