Muqdisho (CKG) – Wararka naga soo gaaraya magaalada Muqdisho ayaa sheegaya, in qarax iyo rasaas xooggan caawa laga maqlay aaga xeebta Liido, halkaasi oo la soo warrinayo in lagu weeraray Hotel ku yaalla.
Warar kala duwan ayaa ka soo baxaya qaraxyada, waxaana wararka la helay ay sheegayaan in la weeraray Hotel lagu Magacaabo Pearl Beach, kaas oo horay loo aqoon jiray Ocean View.
Warar ay heleyso Warbaahinta CodkaKoonfurGalbeed.com ayaa sheegaya, in qaraxa kadib rag hubeysan ay gudaha u galeen Hotel ku yaalla aaga Xeebta Liido, walow aan si dhab ah loo xaqiijin karin.
Dad goobjoogayaal ah ayaa sheegay in la maqlayo rasaas xooggan oo aaga qaraxa ka dhacay ka socota.
Weli wax war ah kama soo bixin laamaha ammaanka oo ku saabsan qaraxa iyo weerarka isla socda, iyo khasaaraha ka dhashay.
Wixii warar ah ee ku soo kordha kala soco CodkaKoonfurGalbeed.com
CodkaKoonfurGalbeed.com
