Muqdisho (CKG) – Wasiirka Maaliyadda Xukuumadda Federaalka Soomaaliya, Dr Cilmi Maxamuud Nuur ayaa soo dhaweeyay 20 Milyan oo Euro oo Midowga Yurub ku taageerayo kabka Miisaaniyadda dowladda.
Dr Cilmi ayaa xusay inay madaxda la yeesheen shirar muhiim oo ay garwadeen ka ahaayeen xafiiska Ra’iisul Wasaaraha iyo Wasaaradda Maaliyadda oo ugu dambeyn guul ku soo idlaaday.
Wasiirka Maaliyadda Soomaaliya ayaa waxa uu ka mahadceliyay wada shaqeynta ka dhaxeysa Dowladda Soomaaliya iyo Midowga Yurub.
“Waxaa soo baxday Midowga Yurub inay ku dhawaaqeen in deeqdii kabka Miisaaniyadda na siinayeen inay soo daayeen, taasi waxa ay ku timid wada hadal iyo shirar badan oo baryahan soo socday oo aan ku muujineynay baahi aan u qabno iyo sida deg deg ah ee loogu baahanyahay”, ayuu yiri Wasiirka Maaliyadda XFS Dr Cilimi.
CodkaKoonfurGalbeed.com
