Maxkamadda Gobolka Baay oo dil toogasho ah ku fulisay laba rag oo horey dil u geystay

Baydhabo (CKG) – Maxkamadda gobolka Baay ayaa subaxa Khamiista maanta ah dil toogasho ah ku fulisay labo nin.

Labadan nin ee dilka lagu fuliyay ayaa lagu kala magacaabaa Aadam Cali Cabdi oo horey u dilay Marxuum Macalin Daahir Cabdullahi Mukhtar iyo Maxamed Geedow Nuurow oo isna dilay Marxuum Jamaal Abdikariin Maadey.

Dilkan qisaasta ah ayaa waxa uu saaka ka dhacay fagaaraha toogashada Magaalada Baydhabo.

Mas’uuliyiin iyo saraakiil ka tirsan Dowlad goboleedka Koonfur Galbeed ayaa goobjoog ka ahaa fagaaraha xukunka dilka ka dhacayay.

Sidoo kale, waxaa goobjoog ahaa ehellada dadkii ay dileen ragan saakay la toogtay.

CodkakoonfurGalbeed.com