Muqdisho(CKG)-Xildhibaano iyo wasiiro kala leh heer federaal iyo kuwa maamulka KGS, odiyaasha dhaqanka ka soo jeeda Degmada Buur-Hakaba oo qeyb ka yahay Prfo. Maxamed Sheekh Cusmaan (Jawaari) oo kulan ay ku yesheen magaalada Muqdisho ayaa waxay kaga hadleen in aysan waxba ka ogeen in Degmada Buur-Hakaba loo dhisaayo glle degaan taasi oo mar uu booqday madaxweyne Lafta-gareen ku dhawaaqay.
Kulankaan oo ay yeshaan xildhibaanada, wasiirada, siyaasinta iyo odiyaasha dhaqanka ayaa waxaa laga soo saaray qodobo looga hadlaayo xaaladaha guud ee ka jira Degmada Buur-Hakaba.
Qodobada ayaa waxaa kamid ahaa in maamulka KGS uu hogaaminaayo Cabdicasiis Lafta-gareen in muddo 5 sano ah waxba aysan ka qaban xaalada kala duwan ee ka jira degmada.
In dhamaan maamuladii soo maray degmada in wada tashi lala sameynin mas’uulinta ka soo jeeda Degmada.
In dilal badan ka dhacay degmada guddiyo iyo dadka kale looga xil saarin.
Ugu dambeyntii kulankaani ayaa baaq looga jeediyay dowladda Federaalka soomaaliya in ay soo fara-galiso, haddii arintaani xal laga gaari waayo wixii ka dhasha oo dhibaato ah in mas’uuliyadda ay saaran tahay DFS.
Codkakoonfurgalbeed.com
