Beijing(CKG)-Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, iyo Madaxweynaha Ereteriya, Mudane Isaias Afwerki, ayaa kulan-doceed ku yeeshay magaalada Beijing ee dalka Shiinaha. Labada hoggaamiye ayaa ka wada hadlay arrimo muhiim ah oo ay ku jiraan xoojinta xiriirka labada dal, gaar ahaan dhinacyada iskaashiga amniga, dhaqaalaha, iyo arrimaha gobolka.
Kulanka ayaa diiradda lagu saaray sidii labada dal ay isugu kaashan lahaayeen dagaalka lagula jiro Al-Shabaab iyo sidii sare loogu qaadi lahaa danaha istiraatijiyadeed ee ay wadaagaan Soomaaliya iyo Ereteriya.
Sidoo kale, waxaa la isla gartay in la xoojiyo iskaashiga dhinacyada dhaqaalaha si looga faa’iidaysto fursadaha horumarineed ee labada dal. Madaxweynaha Soomaaliya ayaa hoosta ka xarriiqay in iskaashigan uu muhiim u yahay sugidda amniga gobolka iyo xaqiijinta horumar waara.
Codkakoongalbeed.com
