Yeed (CKG)-Waxaa la furay garoonka diyaaradaha Ugaas Jire Airport ee Deeegaanka Yeed ee hoostaga Degmada Rabdhuure ee gobolka Bakool, garoonka ayaa si caadi ah u shaqaynaya wixii hadda ka dambeeya, diyaaraduhuna waa ku degi karaan sidaasi waxaa yiri” Guddoomiyaha Deegaanka Yeed ee gobolka Bakool Mudane Cabdisalaam Faaqid Duwane, Guddoomiye ku-xigeenka gobolka Bakool Mudane Cumar Daa’uud Khaliif iyo Odayaasha deegaanka Yeed.
Dadka deegaanka ayaa aad ugu mahadceliyey Xildhibaan Maxamed Jaamac Mursal Geelle oo kaalin weyn ka qaatay hagaajinta garoonkaan, waxay sidoo kale u mahadceliyeen maamulka deegaanka iyo qurbajoogta kasoo jeedda deegaanka ee ku nool dalka Maraykanka.
Garoonka dherekiisu waa 2KM, halka balaciisu yahay 30M, waxaana loo dhamaystiray adeegyada aas-aasiga ah ee looga baahan yahay garoon diyaaradeed.
Codkakoonfurgalbeed.com
