Xudur(CKG)-Gudoomiyaha Degmada Xudur ahna duqa magaalada mudane Cumar Cabdulaahi Maxamuud ayaa ka qeybgaley munnaasabad kooban oo Hay’adda DARDO ay Wasaaradda Caafimaadka kugu wareejineysay Matoor koronto oo loogu adeegi doono Bukaanada Isbitaalka guud ee Gobolka Bakool, maadaama isbitaalka uu horey uga jirtey baahi dhanka Korontada ah.
Gudoomiye Cumar Cabdulaahi Maxamuud iyo Isku-duwaha Wasaaradda Caafimaad ee Gobolka Bakool Musdhaf Maxamed Axmed ayaa si wadajir ah uga mahadceliyey Hay’adda DARDO oo Isbitaalka iyo Wasaaradda Caafimaadka ku wareejisey Matoorka, Gudoomiyaha ayaa sidoo kale kormeerey qeybaha kala duwan ee Isbitaalka guud ee Gobolka oo dhismo iyo Isbadel lagu soo kordhiyey.
Guud ahaan degmada Xudur ee xarunta gobolka Bakool ma jirto shirkad ku filan oo koronto siisa maalin iyo habeen tanina waxay qeyb ka tahay in isbitaalka Gobolka Bakool ee Degmada Xudur in wax weyn ay ka qaban doonto baahiyaha loo qabo korontada.
Codkakoonfurgalbeed.com
