Kismaayo (CKG) – Taliyaha Ciidanka Booliiska Soomaaliyeed S/guuto Sulub Axmad Firin ayaa Khamiistii maanta soo xirey shirkii taliyayaasha Booliiska dowlad Goboleedyada, kaas oo u dhexeeyey wasaaraddaha amniga dowlad goboleedyada, wasaaradda amniga DFS iyo taliska ciidanka Booliiska Federaadka, kaas oo maalmihii la soo dhaafay ka socday magaalada Kismaayo ee xarunta KMG ee Jubbaland.
Taliyaha ayaa u mahadceliyey guud ahaan wasaaraddaha amniga iyo saraakiishii ka soo qeyb gashey shirka.
S/guuto Sulub Axmed Firin ayaa faray saraakiisha in laga shaqeeyo horumarka amni ee dalkeena iyo u adeegga bulshada Soomaliyeed oo la daalaadhacaysa hadimadii ay u geysteen Khawaarijta Al-Shabaab.
Taliye Sulub ayaa intaas ku daray in guud ahaan Booliiska heerarkiisa kala duwan laga qeyb qaadto dib u xorreynta dalka iyo xasilinta, qof kasta oo Booliis ahna uu safka hore ka galo dagaalka khawaarijta lagula jiro.
CodkaKoonfuGalbeed.com
