Wednesday, February 28, 2024
More

    Jubbaland Oo Dowlada Mareykanka Kala Hadashay Dagaalka Ka Dhanka Ah Al Shabaab

    Muqdisho (CKG)- Ahmed Maxamed Islaam Axmed Madoobe Madaxweynaha dowlad Goboleedka Jubbaland oo ku sugan magaalada caasimadda ah ee Muqdisho ayaa kulamo kala duwan la qaatay xubno ka tirsan Wakiilada Beesha Caalamka kaasi oo loogu hadlayo arrimaha amniga.

    Axmed Madoobe ayaa la kulmay Safiirka Midowga Yurub ee Soomaaliya Marwo Tiina Intelmann. Kulanka ayaa looga hadlay tageerada ay Midowga Yurub ku bixiso dib u dhiska Dalka iyo mashariicyada kale duwan ee ay ka fuliyaan deegaanada Jubaland kuwaa oo ay ugu horeeyaan Arimaha amaanka iyo hormarinta deegaanka.

    Midowga Yurub ayaa sidoo kale Jubaland ka tageeraya dhismaha golayaasha Deegaanka oo afar degmo oo kamid ah dhawaan la bilaabayo.

    Sidoo kale Madaxweynaha Jubbaland ayaa kulan kale la yeeshay ku-xigeenka Ergeyga Gaarka ah ee Xoghayaha-Guud ee Qaramada Midoobay ee Soomaaliya Marwo Anita Kiki Gbeho, iyaga oo ka wada hadlay dhamaystirka golayaasha Deegaanka Jubaland iyo tageerada mashariicda kala duwan ee ka socda Jubaland.

    Madaxweyne Axmed Madoobe ayaa waxa uu kulan la ku xigeenka Safiirka  Dowladda Maraykanka u fadhiya Soomaaliya ahna ku simaha Safiirka Tim Trenkle iyo qaar kamid ah saraakiisha Ciidamada AFRICOM ee ka howgala Soomaaliya.

    Kulanka ayaa lagaga hadlay tageerada Dowlada Maraykanka ee dhinacyada kala duwan gaar ahaan dagaalka  Al-shabaab iyo howlgalka ay Ciidamada Jubaland ka wadaan deegaanada kala duwan ee Jubaland.

    Sidoo kale Waxaa Kulanka lagaga hadlay tageerada Dowlada Maraykanka ee dhismaha golayaasha Deegaanka oo afar Degmo oo kamid ah Jubaland dhawaan laga qaban doono doorashooyinka golaha Deegaanka.

    Codkakoonfurgalbeed.com

    WARARKA LA XIRIIRA

    LEAVE A REPLY

    Please enter your comment!
    Please enter your name here

    KU BIIR ASXAABTA BARTA FACEBOOGEENA

    LATEST HEADLINES

    Social Media Auto Publish Powered By : XYZScripts.com