49
Buurdhuubo (CKG)- Wasaaradda gargaarka iyo maareynta masiibooyinka Dowladda Jubbaland ayaa degmada Buurdhuubo ee gobolka Gedo gurmad raashin ah ugu qaybisay qoysas danyar ah oo ku nool degmadaasi.
225 qoys oo ah kuwa nugul ayaa ka faa’iideystay raashinkan oo kamid ahaa gargaarkii ay Dowladda Imaaraadka Carabtu ku taageertay shacabka Jubbaland.
Wakiilka wasaaradda gargaarka iyo maareynta masiibooyinka Jubbaland ee degmada Buurudhuubo Cabdifitaax Axmed Maxamed ayaa sheegay in raashin qaybintu u dhacday sidii loo qorsheeyey, lana gaarsiiyey qoysaskii ugu mudnaa.
Codkakoonfurgalbeed.com
