Baraawe (CKG) – Guddoomiyaha Golaha Shacabka BJF Soomaaliya iyo wafdi uu hogaaminayo ayaa Talaadada maanta ah gaaray nagaalada Baraawe ee gobolka Shabeelle hoose.
Guddoomiye Sheekh Aadan Maxamed Nuur (Sheekh Aadan Madoobe) iyo wafdigiisa waxaa Baraawe ku soo dhoweeyay madaxweynaha dowlad Goboleedka koonfur Galbeed Cabdicasiis Xasan Maxamed (Laftagareen).
Aadan Madoobe iyo Laftagareen ayaa Kulamo la qaadanaya Maamulka, saraakiisha ciidanka iyo Bulshada Reer Baraawe.
Wariyaha warbaahinta CodkaKoonfurGalbeed.com ee Shabeellaha Hoose ayaa ku soo warramaya in magaalada Baraawe ay ka socoto qaban-qaabada doorashada guddoomiyaha Baarlamaanka maamulka Koonfur Galbeed, xilli uu guddoomiyihii hore Cali Saciid Fiqi uu ka mid noqday Xildhibaannada Golaha Shacabka ee BFS.
Waxaa aad loo adkeeyay amniga magaalada Baraawe ee Caasimadda dowlad goboleedka Koonfur Galbeed, waxaana halkaasi ku sugan Ciidamada DF Soomaaliya iyo kuwa ATMIS.
CodkaKoonfurGalbeed.com
