Wanlaweyn (CKG) – Wararka ka imaanaya gobolka shabeelada Hoose ayaa sheegaya in Guddoomiye ku-xigeenkii arrimaha Bulshada maamulka degmada Wanlaweyn ee Gobolka Shabeellaha Hoose Haashim Maxamed Xasan in saqdii dhexe xalay ay kooxo dabley ah ay ku dileen duleedka degmadaasi.
Wararka ay heleyso warbaahinta codkakoonfurgalbeed.com ayaa sheegaya in Guddoomiyaha la dilay oo watay gaari wadada loo galay, sidoo kalena , lagala dagay, oo ay toogteen kooxda dableyda ahayd waxaana lala dilay qof kale oo la socday .
Sidoo kale, wararka ayaa sheegaya in Marxuum Haashim Maxamed Xasan rasaas lagu dhuftay, xilli uu maraayay tuulada Buulo Xaashi oo qiyaastii 25 km bari uga beegan degmada Wanlaweyn ee Gobolka Shabeellaha Hoose.
Maamulka degmada Wanlaweyn ee gobolka shabeelada Hoose ayaan weli ka haadlain dhacdadaan balse waxaa lala xiriirinayaa aano qabiil.
Codkakoonfurgalbeed.com
