Muqdisho (CKG)- Qarax jugtiisa laga maqlay meelo kamid ah Magaalada muqdisho ayaa waxaa uu ka dhacay agagaarka Isgoyska KM4 ee Magaalada muqdisho, waxaana ka dhashay khasaaro kala duwan.
Qaraxa oo warar kala duwan ay kasoo baxayaan ayaa wraraka qaar ay sheegayaan in uu ka dhex-dhacay mid kamid ah Kolonyo Gaadiid ah oo ay wataan Ciidamada ATMIS, xilli ay marayeen agagaarka Xarunta Hay’adda dambi barista CID-da ee Magalada Muqdisho.
Goobjoogayaal ayaa sheegay in qaraxa uu ahaa mid aad u xoogan, isla markaana Ciidamada ATMIS ay ka yimaadeen dhinaca wadada Cabdiqaasin kuna wajahnaayeen dhinaca Isgoyska Soobe.
Waxaa hadda Ciidamada ATMIS ay xirteen wadada u dhaxeysa Isgoysyada KM4 iyo Soobe ee Magaalada Muqdisho, waxaana hakad kujira isku socodka dadka iyo Gaadiidka.
Codkakoonfurgalbeed.com
