Muqdisho (CKG) – Abaaro 7-da Fiidnimo ee xalay ayaa waxaa degmada Kaxda ee magaalada Muqdisho ka dhacay dhacdo argagax leh, kaddib markii halkaasi hooyo Soomaaliyeed ay ku gowracday laba carruur ah oo ay iyadu dhashay.
Dadka deegaanka oo warbaahinta la hadlay ayaa sheegay in la arkay iyada oo wadata mindi dhiig leh hooyada ilmaheeda gowracday , waxaana markii guriga la tagay la arkay labada carruura ay dhashay haweeneydan oo geeriyooday.
Hooyada ilmaheeda bireysay ayaa isla markiiba goobta ka baxsatay, waxaana xaafada uu dilku ka dhacay gaaray oo baadigoob u galay soo qabashada hooyada ilmaheeda dishay ciidamo ka tirsan booliiska Soomaaliya.
Carruurta geeriyooday ayaa da’dooda kala ahaa 4 jir iyo 3 jir, sida ay sheegeen ehelllada iyo dadkii dariska la ahaa qoyska oo warbaahinta la hadlay.
Warar ay heleyso warbaahinta CodkaKoonfurGalbeed.com, ayaa sheegaya, in hooyada ilmaheeda gowracday madaxa looga jiray. Mana jirto ilaa hadda faah-faahin ku saabsan falkan argagaxa leh ay ka bixiyeen ciidanka booliiska Soomaaliyeed.
Hooyo ka mid ah dadka deegaanka oo warbaahinta la hadlashay ayaa sheegtay, in bil ka hor ay gubtay ilmahan hooyadii shalay, markii ay hadda soo bogsadeenna ay gowracday.
Ma ahan markii ugu horreysay falal noocaan oo kale ah ay ka dhacaan magaalada Muqdisho iyo qaar kamid ah gobollada dalka, waxaa horey u jiray dilal argagax leh oo ay waalidiin carruurtooda u geysteen oo bulshada aad uga fajaceen.
CodkaKoonfurGalbeed.com
