Sool (CKG) – Wararka ka imaanaya deegaannada Samakaab iyo Dhabansaar oo ka tirsan gobolka Sool ayaa sheegaya in halkaasi uu ka socdo dagaal u dhaxeeya ciidamada deegaanka ee la magac-baxay SSC iyo kuwa Somaliland.
Wararka ayaa sheegaya, in saacadihii la soo dhaafay dhaq dhaqaaqyo Ciidan lag dareemayay deegaannada Samakaab iyo DhabanSaar oo ka tirsan gobalka Sool oo Magaalada Laascaanood uga beegan dhinaca magaalada Hargeysa.
Dad goobjoogayaal ah ayaa sheegay, inay maqlayaan dhawaqa rasaasta ay isku ridayaan labada dhinac, waxaana jira khasaarooyin isugu jira dhimasho iyo dhaawac oo ka dhashay dagaalka.
Waa furin labaad oo katirsan Gobolka Sool oo uu dagaal ku dhexmaray Ciidamada degaanka ee SSC iyo kuwa Somaliland, waxaana deegaannada lagu dagaalalmayo ee Samakaab iyo DhabanSaar oo ka tirsan gobalka Sool ay muhiim u yihiin Somaliland
Ugu dambeyn, dhaq dhaqaaqyo ciidan ayaa waxaa laga dareemayaa duleedka Magaalada Laascaanood ee Xarunta Gobolak Sool, halkaas oo ay isku hor-fadhiyaan Ciidamada deegaanka ee SSC iyo kuwa Somaliland oo dowr jeer dagaallamay.
CodkaKoonfurGalbeed.com
