Madaxweynaha JF Soomaaliya, Mudane Xasan Sheekh Maxamuud oo maanta Shir jaraa’id ku qabtay Villa Soomaaliya / Photo: CKG
Muqdisho (CKG) – Madaxweynaha JF Soomaaliya, Mudane Xasan Sheekh Maxamuud oo Axadda maanta ah shir jaraa’id ku qabtay Villa Soomaaliya, ayaa faah-faafiyay qodobbadii ka soo baxay shirkii Golaha Wadatashiga ee xalay la soo xiray.
Madaxweyne Xasan ayaa waxaa hareeraha ka taagnaa markuu shirka jaraa’id qabanayay ra’iisul wasaaraha XF Soomaaliya Xamse Cabdi Barre iyo Madaxda dowlad goboleedyada dalka.
Madaxweynaha JFS ayaa carab dhabay, in sanadka ay jirto dowladiisa ay xoogga saartay arrimaha Ammaanka, Xorreynta dalka iyo Deyn cafinta Soomaaliya.
“Dalka waa guuray, wuxuu ka guuray nidaamyadii hore ee uu ku saleysnaan jiray, odayaal dad magacaaba ka nimiday 50 qof ayaa wax dooraneysa ayaan ka nimiday,” ayuu ku yiri Shirkiisa jaraa’id Madaxweyne Xasan
Inta badan shirkiisa jaraa’id madaxweynaha dalka, wuxuu diiradda ku saaray heshiiskii siyaasadeed ee xalay la gaaray iyo in dalka uu guuray, uuna ka tagay dhammaan nidaamyadii hore ee wax lagu dooran jiray.
Halka hoose ka daawo Shirka jaraa’id ee Dhammeystiran:
CodkaKoonfurGalbeed.com
