Belad-xaawo (CKG)- Ciidamada Nisa Qeybtooda Duufaan ee Gobolka Gedo ayaa howlgal amni xaqiijin ah waxay ka sameyeen deegaano hoos yimaada Degmooyinka Balad-Xaawo iyo Doloow ee Gobolkaasi Gedo.
Ciidamada ayaa aroornimadii maanta waxay gaareen deegaano miyiga fog oo Xubno katirsan Al-Shabaab mararka qaar lagu arki jiray, kuwaasi oo dadka degaannada ay sheegeen inay dhibaatooyin kala kulmi jireen.
Taliyaha Nabadsugida Gobolka Gedo Janeraal Jamaal Xasan Sareey oo hogaaminayey howlgalka ayaa sheegey in inta lagu jirey bisha barakaysan ee Ramadaan ilaa laga gaarayo ciida ay laba jibaareen howlgalada si loo xaqiijiyo nabadgalyada iyo amaanka bulshada. Mar kastana ay joogtayn doonaan.
Todobaadyadii la soo dhaafay ayaa waxaa degaano iyo degmooyin katirsan Gobolka Gedo waxaa ka socday diyaar garoow ku aadan sidii loo billaabi lahaa howlgallo ka dhan ah Ururka Al-Shabaab.
Codkakoonfurgalbeed.com
